Ndaya jashjacham: jajabuachenam, nak jësejandmanam , kamentŝa biyangbe bëngbe soy, inye loar kabëng ka  wabainënga nak.

​

Jashjacham kem soyënga mochanjenangmia muntŝaknasoy:

​

Jenajabuacham, jenabjam  juabuatmana anteo  soyënga:

​

a. Nyetskanga jenangmiam bojatŝen, chaujabuacham jtsetatŝembuam  bëngbe waman soye: bëngbe shnanam, jajañam,  tŝebenayam, sanam, bëngbe wenan soyëngam, wajanynayam,inye soyenga nak, jakombidas bëngbe bëtsananënga, utabnënga, jenbuatëmbam, juatsjinyam nak.

​

b. Jamam jtayenam Bëngbe biyan: Jamam soyenga jenabowinyam jenashenwaŝam ŝkenabe soy bëngbe soyek chaotsemna juajabuacham jëftsejabuachenam kamëntŝa biyangbe biyan, nak inyë pamillangbe nak, waman soye jtsemnam tmuabëban inyë pamillangbiam.

​

c. Jtsinyenam bëngbe loar, nak chentŝe ain iwetsemna: Jtoabuayanam bëngbe atayentŝbuachiyam bëngbe loariñ, bëngbe tsabatsana mamaftaka, janguanguam ntŝam jtsinyenam bëngbe  loare, ndoñe betiyënga jtseshatkoyam, e inyë bakna soyënga ndoñe chaondochnëjuan, nak tŝaba chaotsemna nyetskna soyënga ain atŝatnaisoye.

​

d. Juanatsan jentrokamn,  chaotsataman bëngbe soye, inyoka pamillangaftaka, er bëngbe  soy inye soy nak kuanjabenacha  chaotsinynam ntŝam juftsinynanam colombianëngbe loar.

​

e. Jajabuachenam kabëngbe soye: imuanatsan inye pamillangbe soye nak: jujabuacham kabëngbe wanatsen soye, wayshanyangbe juabna nak.  

​

f. Jamam, janguanguam jantŝet loar soyënga jujabuacham nyetska   pamillanga kabëngbe ka wabainënga jësejandmanam biyan, juabna, aman, nemorie nyetskangbe  juabna ndoñ chaondotŝama, jësomñam, jëftsotajañam  kem loariñ mallajt wat.